Recent Articles
Tuesday, June 11, 2013
Tuesday, June 11, 2013
- 0 Comments
cen.com.kh៖ តារាសម្តែង និងជាពិធីករដ៏ស្រស់សង្ហា ចង្កាព្រែក លោក ញ៉ែម សុគន្ធ មួយរយៈមកនេះ ទាំងប្រជាប្រិយភាព និងការគាំទ្រ ហាក់ឈានឡើងទៅមុខជាលំដាប់ ហើយថែមទាំងលេចមុខ ស្ទើរតែគ្រប់សាច់រឿង ក្នុងកម្មវិធីតាមទូរទស្សន៍ផ្សេងៗ។ ចំណែករឿងស្នេហ៍សុំលាក់សិន ចាំដល់ថ្ងៃចូលរោងការ តែលោកប្រាប់ថា មានស្នេហាហើយ ។
តារាសម្តែងប្រុសរូបនេះ បានបន្តថា ទាំងការសម្តែងខ្សែរឿង ការថតស្ប៉តពាណិជ្ជកម្ម និងតំណែងជាពិធីករនៅស្ថានីយទូរស្សន៍ប៉ុស្តិ៍ហង្សមាស គឺមានភាពមមាញឹកខ្លាំង។ ព្រមជាមួយគ្នានេះ លោកក៏មានឱកាសច្រើនក្នុងការបង្ហាញមុខនៅទូរស្សន៍ប៉ុស្តិ៍ហង្សមាស តាមរយៈការធ្វើជាពិធីករនៅតាមកម្មវិធីមួយចំនួននៅទីនោះ ។
ទាក់ទិននឹងរឿងជីវិតស្នេហាផ្ទាល់ខ្លួនក្រៅឆាកវិញ ត្រូវបានបុរសសង្ហា ញ៉ែម សុគន្ធ និយាយប្រាប់ថា “ទាក់ទិននឹងរឿងជីវិតស្នេហា គឺខ្ញុំគិតយូរមកហើយ តែគ្រាន់ថា ថ្ងៃរៀបការមិនទាន់ហ៊ានសម្រេច ស្នេហាវាមានយូរមកហើយ អាយុប៉ុណ្ណឹងហើយមិនដែលអត់ទេ” ។
ទោះបីជាលោក ញ៉ែម សុគន្ធ បានបង្ហើបប្រាប់ថា មានស្នេហ៍រួចមកហើយយ៉ាងណាក្តី ប៉ុន្តែលោកមិនឱ្យដឹងពីនារីម្នាក់នោះជានរណា មានការងារអ្វី ហើយនៅទីណាទេ ។ គ្រាន់តែលោកបញ្ជាក់ថា “ខ្ញុំមិនទាន់ហ៊ាននិយាយអីឱ្យច្រើនជាងនេះទៀតនោះទេ ចាំដល់ថ្ងៃចូលរោងការទើបដឹងថាជាមនុស្សបែបណាពេលដែលឃើញគឺពេលហ្នឹងតែម្តង” ។
គួររំលឹកថា តារាសម្តែងសម្បូរស្នេហ៍ចង្កាព្រែក លោក ញ៉ែម សុគន្ធ ជាអតីតហ្រេ្វសស៊ីប៊យ កាលពីអំឡុងឆ្នាំ២០០២។ ចាប់ពីពេលនោះមក លោកបានក្លាយខ្លួនជាតារាសម្តែងតែម្តង។ ផ្លែផ្កាពីសិល្បៈប៉ុន្មានឆ្នាំមកនេះ បានប្រែក្លាយឱ្យលោកទៅជាតារាប្រុសមួយដួងដែលទទួលបានជោគជ័យ ថែមទាំងមានប្រជាប្រិយភាព និងការគាំទ្រខ្លាំងពីសំណាក់ទស្សនិជនគ្រប់ស្រទាប់វណ្ណៈ រហូតដល់បច្ចុប្បន្ននេះ ៕
សំគាល់ៈ Khmer Star News មិនមែនជាម្ចាស់ដើមនៃពត៌មាននេះទេ ។ ដូច្នេះយើងមិនទទួលខុសត្រូវលើព័ត៌មាននេះទេ។ បើសិនជាមានបញ្ហាមិនប្រក្រតី សូមទំនាក់ទំនងមកកាន់យើងខ្ញុំ។
Saturday, June 1, 2013
Saturday, June 1, 2013
- 0 Comments
[ប្រភព៖ cen.com.kh ] ស្នេហ៍រវាងតារាសម្តែង គង់ ច័ន្ទស្រីមុំ និងលោកគឹម សីហា ហាក់មិនទាន់ធានាបានថា អាចក្រាបសំពះផ្ទឹម ចូលរោងការ តាមប្រពៃណីដូចតារា សិល្បៈមួយចំនួននៅឡើយ។ ព្រោះតែពុំទាន់ទទួលបានការឯកភាព ពីក្រុមគ្រួសារទាំង សងខាងឡើយ ស្របពេលដែលក្រុមគ្រួសារនាងហាក់មិនពេញចិត្តនឹងសម្ព័ន្ធស្នេហ៍មួយនេះទេ។
ដោយសម្អាងលើខែឆ្នាំ មិនត្រូវគ្នា និងបញ្ហាមួយចំនួន ដែលក្រុមគ្រួសារទាំងពីរខ្វែងគំនិតគ្នា ។ ប៉ុន្តែពួកគេនៅ តែព្យាយាមជម្នះចិត្តឪពុកម្តាយរហូតមានការខឹងសម្បាយ៉ាងខ្លាំងរវាងនាង និងគ្រួសារ ថែមទៀតផង។
ក្នុងជំនួបជាមួយតារាសម្តែងសិចស៊ី គង់ ច័ន្ទស្រីមុំ បានឲ្យដឹងថា “ខ្ញុំនិងគាត់ (លោកសីហា) នៅតែស្រលាញ់គ្នាដដែល ប៉ុន្តែការបែកគ្នា មួយរយៈនេះ គឺពួកខ្ញុំមាន ការងារធ្វើរៀងៗខ្លួន។ ខ្ញុំនិងគាត់បានពង្រីកមុខជំនួញមួយ ដែលពួកយើងបានបង្កើតរួមគ្នា ដែលធ្វើឱ្យគាត់ មមាញឹកច្រើន ប៉ុន្តែពួកយើងនៅក្បែរគ្នាជាប្រចាំដដែលទេ។ ហើយរឿង ចាស់ៗយ៉ាងណានោះ ពួកខ្ញុំក៏មិនទាន់បានសុំ ការសម្រេច របស់ពួកគាត់ទាំងសង ខាងដែរ។ បច្ចុប្បន្នពួកខ្ញុំមិនទាន់គិតដល់រឿងរៀបការទេ ព្រោះពេលនេះទាំងគាត់ ទាំងខ្ញុំ រវល់ស្មើគ្នា ទាំងការងារសិល្បៈ និងមុខជំនួញ”។
តារារាងសិចស៊ីមិនធម្មតារូបនេះបន្តថា “ធម្មតាទេ សម្រាប់ការរស់នៅឆ្ងាយគ្នា ឬបែកគ្នា នៅពេលដែលយើងមានភារកិច្ចរៀងខ្លួននោះ។ ប៉ុន្តែសម្រាប់ពួកខ្ញុំ គឺពុំដែល ឃ្លាតគ្នាយូរឡើយ ហើយក៏ពុំមានអ្នកទី៣ណា មកតាមជ្រៀតជ្រែកស្នេហ៍ខ្ញុំដែរ ពួកយើង យល់ចិត្តគ្នាច្បាស់ណាស់ គាត់តែងឱ្យតម្លៃខ្ញុំ និងមានទំនុកចិត្តខ្ពស់មកលើខ្ញុំ រួមទាំង ការងារខ្ញុំផងដែរ”។
.jpg)
គង់ ច័ន្ទស្រីមុំ បន្តថា “កន្លងមកមានអ្នកតាមសុំស្នេហ៍ខ្ញុំច្រើនដែរ ប៉ុន្តែខ្ញុំពុំដែល ទទួលស្នេហ៍ពីបុរសណាម្នាក់ឡើយ ព្រោះខ្ញុំមិនចង់ភ្ជាប់ទំនាក់ទំនងអ្វីច្រើន ក្រៅអំពីអ្នក ដែលខ្ញុំស្រលាញ់ទេ ។ ទោះបីក្នុងកាលៈទេសៈណាក៏ដោយ ខ្ញុំនៅតែមានទំនាក់ទំនង ជាមួយគាត់ដដែល គឺគ្មានបញ្ហាអ្វីឡើយ”៕
សំគាល់ៈ Khmer Star News មិនមែនជាម្ចាស់ដើមនៃពត៌មាននេះទេ ។ ដូច្នេះយើងមិនទទួលខុសត្រូវលើព័ត៌មាននេះទេ។ បើសិនជាមានបញ្ហាមិនប្រក្រតី សូមទំនាក់ទំនងមកកាន់យើងខ្ញុំ។
Subscribe to:
Posts (Atom)
